يااخي اتغااظت مني غيظهه ،بعد م طلعو قولته ليها قليله ادبرزان بقت تعاين لي مساافه ..قولته ليها نرفزوني وطلعوني من طوري م تعايني لي كدة اوووووووفابتسمت قالت لي انتي اتفششتي فيهم بس م اكتر بس كيفتيني ياخ لأنهم فرسوني انا كمان لكن م تتعودي تطفشي مني الجكس البجوني ساايقولته ليها سمح هههه انا زاتي اتكيفتهه من نفسي هههه،،،قالت لي طيب انا طالعه مشوار دقايق وراجعه راقبي لي الشغالين في القصات ديل تمام؟قولته ليها اوكك تمام بس م تتأخري علشان انا طالعه ماشي؟قالت لي اوكي ي بيبي يلا باياتشلته التلفون دخلته الفيسبوك لقيت اريج عامله لي تاق ،فتحته التاق لقيتها صورة في الكومنت حق التاق لقيتها كاتبه أذكرو الله واعملو رايحينالبوست كان مكتوب فيهو:عضو جديد قبل م اكون ادمن وانشاءالله اكون وش خير عليكم و....المهم كاتب تعريف طويل عريض عن نفسو،قمته علقته على البوست قولته ليهو وكاتب لينا Cvكامل عن نفسك ليه نحن ذنبنا شنو نتمعط المعطه دي كلها ،رفعوك ادمن في قروب فيس عادي ولا في ال Csiغااايتو محنبعد م رجعته البيت اتصلت علي اريج قالت لي ي سخيفه عاجبكك الاحراج دة اسي؟قولته ليها م فهمتك،قالت لي امشي شوفي الكومنت بتاع الأدمن الجديدقولته ليها قال شنو ؟قالت لي ادخلي وشوفي الاحراج وضحك البنات عليكقولته ليها م حاجه واااو يعني اصلا م فاضيه ماشه انووم يلا بااي،مشيت نمته،وبعد م صحيت كان عندي فيديوهات كدة حقت عمليات مرسلهم لي ابوي عن العمليات حقتو الدخلها وعمليات القلب وكذاا،فاتن جات داخله قالت لي شهد عايزة لي وصله Uspكنت مركبه السماعات ،قالت لي واااااي بتعايني في الحجات دي وااااع الله يقرفكك وقفلت مني اللابتوب قولته ليها ياخي مالك ي فوفة؟قالت لي قرفتيني،قولته ليها الوصله هناك شيليها واقطعي وشكك منيبعد م طلعت شلته تلفوني وفتحته الفيس اتفاجأته بي إشعارات الردود حقت كومنتي واصله اكتر من 400كومنت لمن اتخلعتهفتحته الردود شايفه كومنتات ضحكك وشي ناس بتتمسخر،وشي ناس بتقول دي اخرة الخفه،وناس بتقول لي احرجوك وجرحو سمعتك ي شهد م عهدناك كدة،،اتصلته على اريج قولته ليها عايني انتي الكومنت بتاعي الناس دي مالها فايرة فيهو كدة؟قالت لي بضحكو عليك ي الهطلهه،قولته ليها ليه في شنوو؟قالت لي من رد الأدمن الجديد قصديقولته ليها ليه هو قال شنوو؟قالت لي دقيقه ارسل ليك الكابشر بتاع ردو ليك في رسالهقولته ليها سمح طبعا من الفضول لمن بقيت اكل في اظافري،شويه كدة جاتني منها رساله في المسنجر ،فتحتها لقيتها صورة الكومنت بتاع ردو لي كان كاتب فيهو: كاتب لينا؟ليه انتي منو عشان أكتب ليك؟؟؟اخخخخخخخخخخ وااااي دة شنو الفرحان دة مالو ؟قالت لي الكومنت الفشيييح على قولة المصرينقولته ليها فشيييح لنفسو ها الغبي دة تفووو عليهواتحمقته منو لدرجه مشيت فتحته البوست وفتشتو لقيتو م ردة على كومنت اي زول غيري،مشيت فتحته الريبلي وقولته ليهو :انا الإستفزيتكك بكومنتي وخليتكك ترد لي غصبا عنكك بالرغم من انو انت م رديت على كل الكومنتات الايجابيه الاتكتبت ليك ي ابو شخصيه مهزوزةومن الكومنت بتاعي دة بدت الحفله وحلقه الكومنتات الما معروف ليها نهايهطبعا الناس م عندها موضوع وعايزة تبرمج والبنات يشيلن ويترقدن ويطبلن ليهو ،وهو اصلا م شغال بيهم وم قاعد يرد على حد،،،بعدها فجأة لقيت نفسي شاتوني من القروب عندي صحبي ادمن رسلته ليهو قولته ليهو شايتني من القروب ليه عملته شنو يعني؟قال لي الشاتك منو؟قولته ليهو والله م عارفه فجأة لقيت نفسي برة ،قال لي طيب دقيقه اسي برجعك مع اني م عارف الشاتك منو وانتي هببتي شنو بس متأكد انو لسانك دة م بتبلعيهو،،قولته خلاص طالما عمر دة م عندو خبر معناها اكييد شاتني الأدمن الجديد الفرحان الما بيتسمى دة يشوتوهو في جهنم انشاءالله،مع اني م مركزة مع الفيس والكلام دة بس غاظني واصلا انا كايسه لي موضوعرسلته لصحباتي في القروب قولته ليهم تخيلو الأدمن الجديد شاتني؟؟اريج قالت لي تستاهلياسيل قالت لي كيف يعني شاتك اجي دي قله ادب ادمن جديدة ولا شنوو؟ربا قالت لينا نعمل ليهو حفله ويتزفه طوالي ارح نكرهو ام الأدمنيههقولته ليهم دقيقه يضيفوني وقعع وماف حد سمى عليهو اريج قالت لينا كررر علي قرض وانا اتدردقته فيهو النبي اكسرن الحنكك خلوهو،اسيل قالت ليها اديك كف كدة اسي ربا قالت ليها تحبي نردمك معاهو؟قالت ليهم لالا خلاص ارحاول م ضافوني نزلته بوست قولته ليهم تاقو لي الأدمن الجديد الفرحان دة باللهتعالي ي ولدي كدة اوريك يعني شنو ادمن لو م عارف علشان م تتوهمن فينا وتعمل لي روحك مكانه في الفاضي ساي،وكونك تحظرني دي اقصى انجازاتك شكلها وم حاجه وااو على فكرة،وبعدين زي م بتقول حبوبه جدادة الخلا الطردت جدادة البيت م كدة ي فرحان كدة استهدى بالله وخت الكورة واطه ، ،ومن هنا بدو الكومنتات اسيل وربا واريجوتم
وها المطبلاتيه التانين،فضلته اسبوع بنزل بوستات وبطاعن فيهو والغريبه كان بسفهني وم شغال بي بعدها حزفو لي البوستات بتاعتي وجاني عمر اتكلم معاي قال لي عيب ي شهد م صح منك الكلام دة ولا بشبهك خصوصا انو اخوانك معانا هنا في القروب فاهمه انتي؟قولته ليهو طيب خلاص اصلا بطلته،قال لي متأكدة؟قولته ليهو يب يبالمهم انا استصغرتو زي م عمل هو وخلاصفي يوم بنتونس كلنا مع بعض في البيت ماذن فاجأنا بي قصه انو عايز يتزوج ،امي قالت ليهو سجمي ي ولد انت قايل العرس دة ساهل كدة؟داير عروس وتجهيزات وموضوع مدثر قال ليهو مالك داير تجهجه نفسك بالعرس العرسو عملو شنووابوي قال ليهو العرسو جابو اولاد مجتبى قال ليهو وين المزةفاتن قالت ليهو بالظاااابط كدة وين المزة دة السؤاا المهم الباقي ملحووققال ليهم جااااهزة نور ومويه بس كنا منتظرين الوقت المناسب،ابوي قال ليهو جاهزة عديل؟قال ليهو ااي وهي زاتها اخت صحبي،امي قالت ليهو صحبك منو ي ولد؟قال ليها م اظن تعرفيهو لانو م عايش هنا في السودان المهم الجمعه الجايه نمشي نزورهم ونتعرف عليهم ونعمل خطوبه مرة واحدة قولتو شنو؟امي قالت ليهو مستعجل كدة مالك ي ولد؟ابوي قال ليها انت مالك داقه جرس الله يقدم الفيهو الخير ياخبالفعل بدينا تجهيزات الخطوبه يوم الخميس اتصلت علي اريج قالت لي امي في المستشفى ،قولته ليها شنووو؟ليه مالها خيير؟قالت لي والله ي شهد فجأة تعبت م عارفين الحاصل عليها شنوو،،قولته ليها طيب انا جايه عليكم،قالت لي لا تجي ،قولته ليها انتي هبله ي بت طبعا حأجي معقوله،لبسته وطلعته مدثر وصلني،فضلته مساهرة معاها لغايه م جا الصباح،طبعا اصبحته مصدعه وعندي إحتقان في انفي،،،اريج قالت لي شهد بعد كدة ارجعي البيت ارتاحي نحن زاتنا الدكتور قال حيخرجها حوالي الساعه 12 اليوم،قولته ليها بجد طيب تمام نطلع مع بعض بس ،قالت لي حاساكي مرهقهه وكدة،قولته ليها ي بت انتي عبيطه مرهقه شنو امك امي وانا عايزة اتطمن عليهاقبل م نطلع من المستشفى امي اتصلت علي قالت لي ي بت ي شهد انتي م راجعه البيت؟قولته ليها ماما برجع حوالي الساعه 12ونص كدة،قالت لي اهااا طيب كويس،،،بعد م خرجوها رجعته البيت بلعته لي حبة منوم ونمتتته ،م حسيت على روحي واللهصحيت لقيت الدنيا ليل وحسيت نفسي خااايفه وبردانهه اخدته حبه منوم تاني ورجعته اتغطيت ،ياخي انا نايمه لغايه الساعه12صباحافي اليوم التاني،ولو م صحتني امي م كنت حأصحىنزلته لقيتهم بتونسو سااي،فاتن قالت ليهم غايتو بجد ماذن طلع م هين ياخي البت سمحه سماحه تسوو كديمدثر قال ليها والله لو كان عرفني بيها قبل الخطوبه كنت قصيت ليهوقولته ليهم انا ليه م صحيتوني لما قمتو ماشين ي كلابفاتن قالت لي صحيتكك لمن راسي وجعني براك قولتي م ماشه اجيمجتبى قال لي خليك من دة انتي لو شوفتي ماذن اختار مزة قاطعه كيف اسكتي بسقولته ليهم م صورتوها؟قالو لي لا قولته ليهم اها حددو العرس بعد كم شهر ولا لسه؟فاتن قالت لي اخوك المستعجل قال بعد شهر واااااحد بسقولته ليهم واااي شهر واحد م جادي دة؟امي قالت لينا هو يعرس ويسوق مرتو ويخلينا نحن راسنا جايطقولته ليها بالظبط كدةطبعا على طول بدو تجهيزات العرس ،وامي طبعا من النوع العايز كل شي يجهز بدري بدريوانا بمشي المشغل لرزان وبجي راجعه وسبحان الله خطيبه ماذن دي ربنا نهائي م كتب لي اشوفه ،كل مرة بقول عايزة اشوفها من تلفون ماذن بنسى، ،في يوم ونحن في المشغل سمعنا واحدة بتقول لينا السلام عليكم،اتلفتنا عليها لقيناها نفس البت الهرشتها لكن المرة دي براها م معاها زول ههه،رزان قالت ليها ي اهلين اتفضليجات قعدت طبعا انا بعاين ليها سااي وهي داخله ومترددة حسيتها خايفه اهرشها لمن حننتنيقالت لينا عندي فستان عايزاكم تقصوهو لي ،رزان عاينت لي وقالت ليها والله الفترة دي مضغوطين شديييد ي ريت لو جيتي في وقت أبدر شويه،قالت ليها عليك الله م تقولي كدة والله جايه وقولته م بمشي لي زول غيرك حلفتك حاولي،رزان قالت ليها والله انا زمني ملان ونازله معهد صعبه علي شديد الفترة دي،قالت ليها والله كنت عايزاك تقصي لي فستان حنة العرس حقي وقولته مافي زول بظبطو لي غيركك لأنو بجد قصاتك سمحه وم مقتنعه بي قصات زول غيرك،لكن م مشكله ي ستي تسلمي،،،رزان قالت ليها والله ي ريت لو كنت بقدر ،،،قامت ماشه حننتني قولته ليها حنتك متين انتي؟قالت لي بعد اسبوعين كدة،قولته ليها لو عايزة انا ممكن اقصو ليك عندك تصميم محدد في راسك؟عاينت لي وعاينت لي رزان،رزان قالت ليها م تخافي لأنو شهد بروفيشنال في تصميم الفساتين هههه،،قالت لي انا عندي قصه معينه لكن م عارفه اذا حتقدري عليها ولا لأ؟قولته ليها عندك صورة ليها؟طلعت تلفونها وفتحت الصورة قالت لي دي،،،عاينته ليها مسافه،رزان قالت ليها بس المشكله القماش حتجيبيهو من وين بنفس الخامه دي؟قالت ليها انا عندي جاااهز رسلوهو لي من الاماراتقولته ليها طيب حلوووقالت لي بس
ي ريت تظبطيهو لي وم،،،قاطعتها قولته ليها م تخافي انشاءالله م حأخزلككبعدها اخدته مقاساتها وطلعت مشت،الفستان شغلو كان صعب شديد ومحتاج دقة ،بقيت كل الوقت شغاله فيهو وهي اخدت رقمي علشان تتابع معي وكدة،،،من شدة م اجتهدته فيهو تميتو في اربعه يوم هي زاتها م صدقت لما رسلته ليها الصورة هههه،لما جات تستلمو قولته ليها بعد كدة حيظبط على حسب الشماعه بسمشت لبستو وجات قالت لي واااي موبالغه خونفشاري بجد تسسسلمي ياخي مع اني خوفته من انو تخربيهو لي صراحهقولته ليها الحمدلله الماخزلتك تتهني بيهو انشاءالله ي ربقالت لي تسلمي حبيتك بجد ياخي طلعتي طيبانه عشان كدة معزومة العرس،،،قولته ليها ربنا يتم ليك على خير تسلمي ي قلببعد م خلصته ليها فستانها بقيت مشغوله بي تجهيز فساتينا انا وعهد وفتونياخي الفترة دي تعبته تعب كدة غريب لدرجه اني حردته حاجه اسمها قص فساتين،،، يوم الحنه الأولى وانا شغاله في البيت وحالتي بالبلا وشعري منكش ولافاهو بالرول ناداني ماذن قال لي شهودتيقولته ليهو عايز شنو مالك ؟قال لي عرفتي كيف اني عايز منك حاجه م تقفليني كدة ياخقولته ليهو وااضح من كلمه شهودتي دي احساس انو انا م بعرفك وكدةقال لي عايني عايزك تشيلي مفتاح عربيه امي وتطلعي اسي،قولته ليهو امشي وين انت عارف امك م بترضى بي عربيتهاقال لي م عليك بيها المهم عايزك تجيبي صحبي البيت لأنو م بعرف البيت وين بالظبط وكمان م بعرف الاتجاهات بالظبط،قولته ليهو ليه مخو مركب بالمقلوب؟قال لي دة م وقتك ياخ،،قولته ليهو كلم فاتن ياخ ولا واحد من الشباب انا م فاضيهه وربي،قال لي ي شهد الجماعه ديل كلهم مشغولين مع الضيوف شايفاهم براك انتي،قولته ليهو ي ماذن انا كمان م فاضيه والله،قال لي ، الموضوع م بياخد منك اكتر من 20دقيقه تمشي تجيبيهو وتجي بس،قولته ليهو طيب وين هو حاليا؟قال لي هو حاليا في الرياض ،،،قولته ليهو واااي بعيد ياخ هو م عندو عربيه؟ ،ولا م بعرف يسوق؟قال لي هو م بقدر يسوق ي شهد م تكتري كلامك ياخقولته ليهوو اسي الناس كلها في الحفله وانا من الصباح داخله ومارقه واسي جيتني بموضوع صحبك دة انا اللبس متين بسقال لي انجزي انجزي نتفاهم بعدين الولد منتظر م ممكن معاك بطلي لياقه وبعدين انتي كان لبستي ولا لأ ماف زول شايفككقولته ليهو ننننننننننقال لي خلاص يلا امشي هههه،،بي نكشتي ديك لبسته توب امي وطلعته مشيت،بعد م طلعته اتزكرته الرقم م شلتو اتصلته على ماذن قولته ليهو مليني الرقم ،الزمن داك الساعه كانت 9ونص مساء والحفله شغالههاتصلته عليهو كم مكالمه في البدايه م رد،غضبني غضبتاني اتصلته بس المرة دي رد ،قولته ليهو الو السلام عليكم ؛؛؛قال لي اهلين ،قولته ليهو انا اخت ماذن من قبيل بتصل عليك م ممكن والله تلفونك دة وين انت؟قال لي وين انتي؟قولته ليهو انا في شارع المشتل وانت؟قال لي والله م عارف المحل الانا فيهو دة وين بالظبطقولته ليهو كيف يعني م عارف؟قال لي يلا عايني في الرياض يمين ال...جنب...قولته ليهو طيب وبعداك ؟قال لي بعدها تدخلي اول لفه تلقاك شرق ال...قولته ليهو طيب تمام،بعد م وصلته م عرفته الوصف تاني اتصلته عليهو قولته ليهو معليش وصف لي تاني لو سمحته؟قال لي عايني شوفتي شرق ال...اول شارع يلقاك على يدك الشمال ،قولته ليهو سمح كويس،تاني راسي لفه اتصلته عليهو عاااد انا متخلفه في الجغرافيا وم بعرف الاتجاهاتاتصلته عليهو اكتر من سبعه مرات عشان يوصف لي بقى يقول لي انتي م بتعرفي الشرق على وين ي بت الناس؟م عارفه الشمس بتشرق من وين؟قولته ليهو كان انت قاعد في الواق الواق انا اعرف مكانك كيف وبعدينانت لفيت لي راسي ياخ،قال لي طيب اقرب زول جنبك اسأليهو من الشارع واسم المكان دة حيوصفو ليك،قولته ليهو طيب،،وقفته سالته لي شباب كدة،قعدو يضحكو قالو لي ماشه تاخدي ليك جراك نعناع ولا شنوطبعا م فهمته كلامهم قولته ليهم ممكن توصفو لي لو سمحتو؟ وصفو لي بعدها مشيت لما وصلته المكان القاصدو الشي البفرس انو طلع كافيه بتاع جبنه وشيشه ومحلو كلو ضلام لمن يخوفاتصلته عليهو قولته ليهو انا منتظراك بالمناسبه وين انت بي نرفزة وزهج كدة؟قال لي طيب جاي عليك اتكلمي بي اسلوب لو سمحتي،، انا طلعته وين انتي؟قولته ليهو انوار العربيه المولعه دي عربيتي،قال لي اهاا طيب ،شفته زول جاي بإتجاهي وماشي على أقل من مهلتو وكأنو انا م منتظراهو وكأنو م مفوت علي حفله اخووووووووي الدنيا كانت ضلام م واضح ضاويت فيهو الأنوار شفته زول لابس فنيله كمها كامل وطاقيه،لما وصلني نزلته القزاز قولته ليهو معقوله لكن؟؟؟قال لي اذا انتي م بتعرفي الوصف معقوله جدا،قولته ليهو واذا انت فاارغ للدرجه البتخليك تقعد في مكان زي دة م كل الناس فارغين زيك تمام؟قال لي والله؟وفراغك دة هو الجابك تسوقيني صح؟فتح باب العربيه وركب وكأنو العربيه حقتو وشايل في يدو في سيجارة ،قولته ليهو اول شي لو سمحته ممكن ترمي سيجارتك دي لاني بتضايق من ري
حتها؟تاني شي طالما انت قاعد في الكافيه وجوووك سمبتيك خالص معزبني مالك؟مفوتني حفله اخوي مالك اسي انت عارف الساعه كمقال لي والله لو كنت عارف انو ماذن حيرسل الشغاله حقتهم واسلوبها حيكون بالفظاعه دي م كنت اتصلته عليهو،،،قولته ليهو دقيقه دقيقه الشغاله دي منو م فهمتك؟؟
رجعته غرفتي شلته التلفون اتصلته على علي ،اول م فتح الخط قولته ليهو لو سمحته بكرة كلم امك تجي تستلم شيلتك تمام وزي م انت م بشرفكك تتزوجني انا كمان كرامتي واحترامي لزاتي م بسمحو لي اتزوج خااااايب وباطل في نفس الوقت اوكيه؟ قال لي وكمان عندك خشم تتكلميهو بيهو انتي وتقولي لي خايب وباطل اناقولته ليهو ااايوة خايب ي سيدي والخيابه جاريه في عروقككقال لي وقسمابالله م اخليك ي شهد واتزكري كلامك دة كويس،،قولته ليهو ااااااعلى م في خيلك اركبو م بتخوفني بي كلامك دة انتوقفلته الخط في وشو وبكيييت لاني م عمري م اتوقعته علي يكون بالفظاعهه والاسلوب دة ،بس بعد م اتكلمته معاهو حسيت بي راحه شويه على الأقل قولته ليهو الكلام الفي قلبي تجاهو،،،بعد يومين خالتي جات وقعدت تتكلم معاي وتحاول تفهم مني الحاصل شنو،قولته ليها ماف شي حاصل بس انا وعلي ماف بينا قسمة دي كل القصه،قالت لي علي لو زعلان منك انا بتكلم معاهو وبراضيهو ي بتي،قولته ليها لا ي خالتو انا الما عايزة علي ولو بقى قبله م بصلي عليها،،،زعلت مني زعل قالت كييف اقول م عايزة ولدها و...المهم خليتها مع امي وبقت تبرر ليها ،شالت شيله ولدهاورجعت اليوم التاني على طوولاكتر حاجه كانت بتزكرني بي علي الشيله والحمدلله رجعت،،اما بالنسبه لمشاعري تجاهو بقيت احاول اتجاهلها،كل م اتزكر ليهو موقف حلو معاي بقول لي نفسي انتي نسيتي هو عمل معاك شنوو؟كل م احاول اوسخ صورتو قدام نفسي م بقدر،،اتغيرته شديد والتغير كان ظاهر في وشي وفي تصرفاتي وفي انعزالي منهم،،،بقيت انسانه ممله شديد،ميولي بقى اككتر للوحدة والسرحان ،واغلب الوقت بنوم ياخي وصلته لدرجه انا باخد منوم معظم الوقت علشان النوم بنسيني وبكون شبه ميته،،اصلا كانت عندي إجازة بتاعة نهايه اولى، قاعدة في غرفتي ومشغله التلفزيون وسرحانه ...جا ماذن اخوي داخل الغرفه،قال لي تن ترن تنعاينته ليهو وسكته،قال لي شنو يعني عامله روحكك م شايفاني وكدةقولته ليهو لا شايفاك ننننقال لي اها الكشخه دي كيف بالله ماشي اقابل لي مزززة كدة خليك ساكتهه بسقولته ليهو اممم سمح لكن افتح زرارة القميص التانيه دي علشان بتكسر الجكسقال لي بلاش قله ادب وكلام فارغ بتاع بنات دقيقه افتح التالته برضو قولته ليهو تفوووو عليكك ي سجم قال لي بالمناسبه اتصلت علي رزان قبل يومين ،،قولته ليهو رزان منو م عرفتها،،،قال لي رزان ياخي جبته قبل كدة اتعشت معانا هنا في البيت معقوله م متزكراها؟جكسويتي السابقههقولته ليهو قصدكك الشوكشتك ونفسنت بيك ديك قال لي نفسنت بي منو هوووو نحن كمان بنفسنو بينا بنات اخر زمن والله نحن البنعمل للبت حركات وبنفسن بيها لما يكون زمنها خلص معانا قولته ليهو ماذن تفوو عليك ي وسسسخ المهم فهمني مالها؟قال لي قااالت فتحت ليها مشغل في الشقه بتاعتهم الفي شارع الستين ديك يعني لو حابه تساعديها اتصلي عليها ،،،قولته ليهو ياخ اساعدها هو انا م صدقته اجزته من الجامعه الفقر دي،،،قال لي الفضل ليك بتمسكي زمن بنفسك افضل من الملل وحاله الكئابه الانتي عايشه فيها دي قولته ليهو شكرا وبعدين دة شنو الكيس الانت شايلو في يدك دة جايب هديه لي مزتكقال لي ااااي دي ااهم حاجه بالنسبه لي معقوله انسى اجيب ليها هديهه،،،قولته ليهو اهااا طيب بسقام طالع جا راجع قال لي حسيتك عايزة تعرفي الفيهو شنو عشان كدة افتحيهو وشوفي الحجات دي تنفع هديه لبتقولته ليهو امممم دقيقه اشوفهم فتحتهم لقيتهم عطور وميكاب ماركه ذا ون ،ومعاهم شوكلاته وعلبه نوتيلا ومعاهم ايموشن كدة عاملين عليهو شكل الإبتسامهقولته ليهو واااو خرافيات بجد،قال لي عجبوك؟قولته ليهو شديد خنفشاريات واللهقال لي طالما عجبوك معناها حيعجبوهاقولته ليهو اشييي زوقها زي زوقي يعني ي بختكك بيها ضربني في راسي قال لي طالما عجبوك اكيد زوقها زي وشكك المهم الحجات دي ليكك وم داير حركاتك بتاعة التأثر والدراما الرخيصه الأنا بعرفها ديك فاهمهقولته ليهو بجد الحجات دي جايبها لي انا؟قال لي لا لشيطانيقولته ليهو مزوني حبيبي انا ياااخي بحبكك تسمن تسمن تسمن لي جيب بوسههقال لي بت بطلي قله ادب بوسة في عينك واللبسي ارح نطلع،قولته ليهو نطلع وين ياخ انا م ماشهه مكان،قال لي طيب حرة كنت عايز امشي أأكلك اسكريم و...في....قاطعتو قولته ليهو قول اقسمقال لي خلاص انسي ي ستي مش قولتي م ماشهه يلا انا زاتي كسرته الحنك بكرة طالع الشركه بدريقولته ليهو نعم ي رووح امكك مين دي اللي قالت م ماشه لا انا ماشه وبالبجامه كمان بس والنبي والنبي م تغير رايك ،قال لي بجامه خلاص بطلتهقولته ليهو خلاص عبايه وطرحه وشبشب بيت يلا نمشيشلته عبايتي وطرحتي في يدي وجري وراهو،،،فاتن قالت ليهو ماذن وانا ،وانا،وانا،م بتسوقني ليه،م بتعزمني ليه،انا مش اختكك حبيبتكك وبعرفك على الجكس الطبي برضو قال ليها اللبسي ارح انتي التانيه اها في مخلوق فيكم تاني ماشي
؟طبعا مدثر ومجتبى مافي كالعادةامي قالت لينا امشو سلامتكم بس،طبعنا مشينا ياخي من شدة م انبسطنا لمن نسيت روحي ،لمن جينا راجعين البيت ،ماذن قال لي بكرة ي شهد عندي قمصان اكويهم ليقولته ليهو نعم ؟قال لي قمصان مالك زي م كل واحدة بتكوي لأخوهاقولته ليهو كووويس طيب،،دخلته غرفتي قعدته شويه كدة جا داخل شايل ليهو كميه من القمصان قال لي بكرة المساء موعدناقولته ليهو ماذن خاف الله ديل كلهم؟ي استغلالي ،ي اناني ،تعالي شيل هديتك هاك م عايزاهاقال لي طيب والاسكريم الدخل بطنككقولته ليها ماااما ،ي اميييي تعالي شوفي ولدك دة بعاملني كييفقضيت الليل كلو اتكلم براي واشتم فيهو زعلني زعلصحيت الصباح على اساس اني ابدأ اكويهم م لقيتهم،طلعته مشيت ليهو في غرفتو لقيتو طلع الشغل ،نزلته لي امي قولته ليهو ماما صباح الخير ماذن وين؟قالت لي صباح النور ماذن دة طلع الشغل بدررري،قولته ليها طيب وين ملابسو قال عايزة مكوة م شايفاها في غرفتي؟قالت لي وداها الدرايكلين من امس بالليل كان بغش عليك ساايقولته ليها بجد؟ياخي عصبني تعصيبه الله يسامحهه كان عايظ يغيظني الحيوان لمن هلوستهه بيهم وانا نايمه شدة م كتارامي قالت لي ارح معاي الكوفير الليله،قولته ليها الكوفير لشنووو؟قالت لي دايرة اتحنن واقص شعري دة قص علاجي ودايرة اغير لون شعري،،،قولته ليها في مناسبه ولا حاجه ؟طيب وين ومتينقالت لي مافي ااي مناسبه ساااي بس نهاائي بنات م بترفعن معنويات الزول عاد البنات يمشن مع امهاتن الكوفيرات الماخمج ويخشعوهن خشلعهة السواد اما انتن كان ختيت حنه سااي في يدي تشغلوها لي مالي قال عاد يمه لسسسه شباب دة اسمو نوع من التغييرقولته ليها سمح ارح نخشلعكك ،،،قالت لي سمح اللبسي ارح ،قولته ليها اسي؟قالت لي ااي اطلعيمشينا الكوفير اول م بدو يصبغو ليها شعرها قالت ليهم صبغو معاكم لبتي دي شعرهاقولته ليها انا ؟لا م عايزة اعمل شي،قالت لي ي بت هاا غيريهو وانا بدفع ليك قولته ليها م كدة ي ماما لكن،قالت ليها ي بت اعملي ليها انا امها م تشتغلي بي كلامها،،،البت قعدت تضحكك قالت لي وحياة الخلقني امكك عثثثل اها عايزة لون شنوو؟ قولته ليها الله م يحرمني منها،بس انا م عايزة اغير لون شعري لكن عايزة اعملو كيرلي كدة ظااابط ،،،قال لي طيب تمام نعملو ليك طواليبعد عملوهو لي طبعا بقى فظييع،امي قالت لي ي خاااينه كانت تكلميني قبل م اقص شعري عشان اعمل زيو زيادة في المعدة ي بعيدةقعدته اضحكك قولته ليها ماما بعد م رجعنا البيت لقينا مدثر قاعد في الهول وبحضر قال لي انا قولته دي منو الحبشيه القاطعه الجايه داخله بيتنا دي اقسم باللهامي قالت ليهو قل هو الله أحد امتهيت منها خلاص،،،قال ليها ي حجه واللع م عرفتكك ي سلام يااخ جيبي بوسهه وقام باسها في خدهامجتبى جا طالع من المطبخ شايل ليهو كمشه قال ليها معقوله ي حجه تطلعي تخلينا من غير غداء وين المسؤليه،وين عاطفه الأمومه ،وين الملح عشان راسي اتشق وانا بفتش فيهوامي قالت ليهو في الدرج ي ولد ها جا نكش لي شعري بالكمشه الشايلها في يدو وقال لي كنت ماشي في الطريق ترن ترن ترن ترن،لقيت لي واحدة منكشه شعرها قولته ليهو م اسمها منكشهه اسمو كيرليقال لي لا بس منكشششهقولته ليها ماما شوفي ولدك دة وامسكي منيماما قالت ليهو انت شن عرفك بأسماء الموضهه ي السجم امشي اكلك دة حرق في المطبخقعد يضحكك قال ليها ماما كدة وريني فاشون بالعربي معناها شنوووطلعت شبشبها وجدعتو بيهواليوم التاني كلنا اتلمينا في صفرة الفطور ،مع انو كل جمعه بابا كان بمشي ناس حبوبه ،والبيت بكون فاضي اي زول في غرفتو،حسيت ناس بيتنا اتغيرو شويه وبيتنا بقت فيهو حركه غريبه،وبقى فيهو صوت ونسه وضحك وفرفشه ولمة حلوة ،والمساء امي بتعمل القهوة لي ابوي في الحديقه وبتنادينا كلنا نجي نشربها،حسيت بي انو ناس بيتنا بعملو كدة علشاني،عايزين ينسوني،وعايزيني اطلع من الحالهه الأنا فيها دي،قعدة مع نفسي وفكرته إذا هم بعملو كدة عشاني وبياخدو من زمنهم علشان كلنا نتلم مع بعض طيب انا ليه م احاول اتغير ؟إذا م عشاني عشانهم هم ،،اثناء م انا قاعدة بفكر تلفوني اتصل ،رديت اتكلمت معاي بت،قالت لي شهوودة اخباركقولته ليها اهلين انا تمام وانتي؟قالت لي بطلي حركات عارفاك م عرفتيني انا رزان متزكراني صح؟قولته ليها ايوااا رزة هلاااتين،قالت لي هلا بيكك حبي اخدته رقمكك من ماذن وصراحه شفته تصاميمك المحملاها في الانستغرام قبل فترة وعجبتني شديد وانا كلمته ماذن ،،قولته ليها اهاا ايوة ايوة صح كلمني والله،قالت لي اها رايك شنو تجي تساعديني في المشغل دة م باخد من وقتك كتير بس التصاميم لاني حاساك عندك افكار في الحجات ديقولته ليها اممم اوكك تمام ماشي ،،قالت لي يعني موافقه تسسلمي حبي ياخي بعد م قفلته قولته لي نفسي انا اخدته زمن كف
ايه في استهلاك مشاعري مع علي وبعد م سبنا بعض اخدته زمن كفايه وانا بتزكر فيهو ،الفترة العدت دي المفروض اتجاوزها و اعتبرها صفحه وانتهت،وعلى قدر م هي كسرتني بس برضو قوتني ،حتى ولو م قادرة انسى علي بس الشغل حيخليني اتلهي شويه،اليوم التاني مشيت لي رزان وبقيت بمشي بساعدها في تصاميم الفساتين والتعديل وكدة ،هي ماشاءالله عليها بجد في مجال التصاميم حاجه كدة خرافيهه،،في يوم قاعدين كدة وبنتونس جوها زباين اتنين بت وواحدة متزوجه ،قالو ليها عندنا استلام اليوم،رزان قالت ليهم اووف سووري بس انتو استلامكم بكرة م اليوم،المتزوجه قالت ليها لا نحن غيرنا راينا وعايزنهم اليوم،،رزان قالت ليها ي بعد قلبي افهميني الشغلانيه مو بتغير الراي،الشغلانيه مواعيد انا لسه شغاله فيهم يعني انشاءالله بكرة تستلموهم بإذن الله،قالو ليها كيف يعني م حنقدر نستلمهم اليوم انتي انسانه م عندك مسؤليه ولا مواعيد ،شكلها التصاميم غلبتك عشان كدة م قادرة تطلعيهم ،رزان قالت ليهم حبيباتي الكلام الشين م حبابو انا اتفقته معاكم على اساس انو يوم التلات اسلمكم القصات يعني انا م كزبته عليكم أبد انتو فاهمني؟قعدو يتنرفزو وجاطو والجوطه كانت في حاصل فارغ ومن غير سبب ورزان بتبرر ليهم كإنو هي الغلطانهه مع انو هم الغلطانات،قولته ليها رزان دقيقه وين قصاتهم ؟قالت لي بيبي لسسه فيهم شويه اضافات ،قولته ليها هم وين بالظبط؟قالت لي في غرفه الفساتين دقيقه اجيبهم مشت جابتهم وجات ،شلتهم طبقتهم ليهم في كيس وقولته ليهم اتفضلو،قالو لي نتفضل شنو وهم م جاهزات؟قولته ليهم دة الشي البتحاول توصلو ليكم رزان من قبيل بس انتو عقولكم مركبه بالمقلوب عاد تفهمو كيف،رزان قالت لي بيبي هدي،،قولته ليها لا ي رزان دقيقه قولته ليهم عاينو قدامكم خيارين م عندهم تالت،ي إما تشيلو فساتينكم وتلبسوهم بالشكل دة،ي اما تنتظرو مواعيدكم وبكرة تجو تستلموهم،المتزوجه قالت لي اتكلمي بي اسلوب لو سمحتي نحن م شاحدنكم،قولته ليها اوووه الاسلوب خليتو ليك انتي ي ست الزوق م من قبيل بتتكلم شروي وقروي في زول سألكك؟ولا علشان رزان ساكته ليكم يعني؟انتي بالزات م تتكلمي عن الاسلوب اوكيه؟؟رزان قالت لينا ي جماعهه استكينو م كدة وياخي انا اسفه بس انشاءالله بكرة حتستلمو فساتينكم ماشي؟قالت ليها طيب بس شغلي معاك ناس يكونو عندهم اخلاققولته ليها والله الموظفين حيكونو عندهم اخلاق لما الزباين يكونو عندهم اخلاق،قالت لي واذا م عندهم حتعملي شنوو مثلا؟قولته ليها حأفتح محل في مدخل الشقه ابيع فيهو اخلاق اول للزباين علشان م يقرفونا بي نفسنتهم ويتعولقو فينايااخي اتغااظت مني غيظهه ،بعد م طلعو قولته ليها قليله ادبرزان بقت تعاين لي مساافه ..قولته ليها نرفزوني وطلعوني من طوري م تعايني لي كدة اوووووووف..... يتبع رواية | (#لأنني_أنثى) الجزء 4
وانا والله كنت عايزة اكلمك من زمان بس كنت خايفه مع اني واثقه انو انت م حتخزلني ولا حتتخلى عني بس كنت خايفه اوجهكك بالحاجه دي بس بما انو نحن حنتزوج انا م حابه اكزب عليكك علي سكت مسااافهه كان في حاله من الخلعهه والزهول كدة ،قال لي شهد ك كيف يعني أغتصبوك؟والإغتصبك منو ؟انا مش قولته ليك تاني م تهظري معي هظارك البايخ دة؟؟قولته ليهو علي وربي م هظار انا جادة معاك وربي انا م بكزب والله يخليك م تسألني متين وكيف ويين لاني م حقدر اقول ليك حاجهه قال لي كيف يعني م بتقدري تكلميني ومن زماااان ليه م كلمتيني ليه كزبتي علي لحدي م خليتي علاقتنا اتطورت ليه ؟قولته ليهو علي الله يخليك افهمني انا كنت خايفه ،اصلا انا م كلمته زول من ناس بيتنا لانو لو كلمتة زول حتحصل مشاااكل وانت اول زول احكي ليهو علشان م حبيت اكزب عليكك وعلشان عايزة لما نتزوج ...قاطعني قال لي دقيقه دقيقه نتزوج؟نتزوج كيف ي شهد بعد العرفتو دة؟طبعا بقيت في حاله زهول وصدمه من كلامو ...قولته ليهو علي كيف كيف يعني ؟قال لي انا اسي م في وضع بسمح لي اتكلم معاك فيهو يلا مع السلامه وقفل الخط،،،صراحهه حسيت روحي حأتفقع من البكى،ايوة عارفه انو انا صدمته علي وصعبه شديد عليهو لانو هو عصبي شديد بالزات في الحجات الزي دي المساء إتصلته عليهو م ردة فضلته ارسل واتصل ليهو كتيير رد علي بي زهج قال لي يااخ كرهتينا التلفونات ينعل تييييييييييييييت زاتو ياخقولته ليهو علي انت ناسي روحكك بتتكلم مع منو؟سكت مسافه وقال لي لو سمحتي م تتصلي علي انا محتاج وقت اقعد فيهو مع نفسي شويه لاني حاليا قرفان من نفسي وم عايز اتفاهم فهمتيني؟صدمتني ردة فعلو زعلته منو شديد م اتوقعتها منو ابدا،قفلته منو وعدت اسبوعين لا هو اتصل ولا انا حاولته اتصل بالعكس اكتئبته شديد وقفلته نفسي بين اربعه حيطان حتى الجامعه بقيت م بمشي بحجة اني عيانه،،،لغايه في يوم هو اتصل علي من تلقاء نفسو واتكلم معي عادي قال لي الحاجه دي حصلت وخلاص م عندي حق اعاقبك عليها انسي،،قولته ليعو بجد ي علي؟قال لي والله جد،فرحته شديد لأنو إتفهمني دة الشي الكنت متوقعاهو منو في يوم بتكلم معاهو قال لي موضوع العرس دة خلي نأجلو شويه ،قولته ليهو كيف يعني ؟قال لي كدة انا محتاج أكون نفسي شويه عشان كدة خلي نأجلو وتاني م تفتحي الموضوع دة تمام؟قولته ليهو بي حيرة طيب تمام،كان بتصل علي دايما اول م اصحى من النوم ،ولما امشي الجامعه بتصل علي،ولما اكون راجعه من الجامعه يعني 75%من تفاصيل يومي بكون عارفها بس إتغير وتغيرو كان واضح شديد ،،،بقى بتصل علي بالليل بس او انا البقيت بتصل عليهو اكككتر لاني بجد كنت متعلقه بيهو،،،في يوم بتكلم معاهو كدة قال لي شهد رسلي لي صورتكك وانتي لابسه بجامه،،قولته ليهو كيف يعني؟قال لي عديل كدة زي م بتعمل اي واحدة مع خطيبها فيها شنو يعني؟قولته ليهو لكن ي علي،،،قال لي لو عايزة ترسليها رسليها لو م عايزة ترسليها خلاص اقفلي وبسسقولته ليهو طيب رسلته ليهو صورتي بالبجامه بس كانت بجامه عاديه م فيها حاجه شاذة،،شويه شويه بقى يعمل حركات ويطلب مني حجات كدة م تمام ويتكلم معاي بإسلوب وسسسخ شديد ،علي ابدا م كان كدة حتى انا لما كنت اقول ليهو كلمه م تمام او غلط بقول لي في الجامعه الليله مشيتي مع منو ؟واتكلمتي مع منوو؟الزول القال الكلمه دي تاني م تتبعيهو،بس اسي اتغيير شديد بقى يتجاوز معي الخطوط الحمراء وكل البعملو انا بطنشو وبمشيها ليهو،،لغايه م جا يوم قال لي عايز اتكلم معاك فيديو ،،قولته ليهو طيب اتصل علي فيديو ،بديت اتكلم معاهو كدة قال لي اقلعي ملابسك خليني اشوفكك قولته ليهو علي انت بقيت تتعاطى ولا حاجه؟ قال لي اتعاطى شنو ياخ لا بتعاطى لا شي خطيبتي وداير اشوفها النظرة الشرعيه مالك دايرة تحميني منها؟قولته ليهو علي النظرة الشرعيه م بتقليع الملابس لكن فاهمني انت؟قال لي م دايرة تقلعي ملابسك صح؟قولته ليهو لا م بقدر والله ي علي قال لي طيب انا محتاج ليك عايز اشوفك اعمل شنو يعني افتش لغيرك برضيك انتي اعمل كدة؟قولته ليهو علي انت بجد بقيت انسان م طبيعي عارف الحاجه دي؟قال لي قولته ليكك ي شهد اعملي الأنا عايزو وبسس م تناقشيني،،،قفلته منو ورقدته وقعدته ابكي بقى يعاملني كأني واحدة تافه عندو بس،،،اليوم التاني مشيت الجامعه وانا طالعه رسل لي رساله قال لي ردي على مكالمتي ضروريرجعته البيت ونمته صحيت بعد المغرب اتصلته ليهو،قال لي م بتردي علي مالكك ي حيوانهه قولته ليهو كنت في الجامعه قال لي قدامكك خيارين لو عايزة تواصلي معاي وتخليني استمر معاك لازم تنفزي البقولو ليك انا وتريحيني راحه تامه ي اما حأكلم اهلك بالكلام القولتيهو لي دة وانسحب من حياتك،،،طبعا بقيت في حاله صدمة ،معقوله دة علي؟دة اصلا م كان علي ،ولا اسلوب علي، ولا دي اخلاقو،ولا في يوم اتوقع انو يطلع منو كلام زي دة،قولته ليهو علي انت بتهظر صح ؟قال لي قسما بالله ي شهد م
تعملي الدايرو اسي بتصل لي امي وبكلمها بالحقيقه وبكرة تجي تشيل الشيله وتكلم اهلكك هنا انا صدقته بجد انو علي اتغير شديد،قولته ليهو علي حلفتك م تعمل كدة يااخي انا كلمتك وشرحته ليك علشان م عايزة علاقتنا يكون فيها كزب م حبيت اكزب عليك انا قال لي المهم انا كلمتك انتي قرري عايزة شنوو؟سكتته مساافه وحسبتها مع نفسي لقيتها صعبه اكلم اهلي الحقيقه واحكي ليهم بالحاصل ولو علي كلمهم حيسالوني وحيقولو لي منو العمل كدة وانا م بقدر احكي ليهم لأنو الحاجه دي حتفكك الأسرة كلها قولته ليهو طيب ي علي انت عايز شنو؟قال لي داير اتكلم معاك فيديو وتقلعي ملابسك قدامي،،قولته ليهو طيب تمام،،،فجأة اتصل علي فيديو اترددتهه افتح الفيديو بس كلامو كان بخوف علي انا بعرفو كويس لما يخا في راسو حاجه بعملها فتحته الفيديو،قال لي يلا اقلعي،،،قولته ليهو علي انت حتستفيد شنو لو انا عملته كدة؟؟وبعدين انا قبل م اكون خطيبتكك انا بت خالتك صح؟قال لي اخخخخ بس حستفيد حجات كتير وحارتاح نفسيا انا اصلا من زمااان كان جسمكك عاجبني وكنت متمني اللحظه الاشوفكك فيها،وبعدين م تقولي لي بت خالتك ولا زفت دة م زمنو الكلام دة،،،،حسيت نفسي مخنووقه من كلامو واتمنيتو لو كان قدامي علشان اتوووف في وشو ،،،قال لي انجزي يلا ،،،قولته ليهو طيب بديت اقلع في ملابسي شويه شويه ،لما وصلته الملابس الداخليه قولته ليهو خلاص كدة؟قال لي لا اقلعي بالمرة كدة دة شنو انا م شايف حاجه من العايز اشوفو،،قفلته الكاميرا في وشو وجريت دخلته الحمام واستفرغته وقعدته ابكي واقول ي ربي دة شنو الأنا بعمل فيهو دة م صح ،العملو فيكك غلط،والإنتي حاليا بتعمليهو دة اكبر غلط حتى ولو بالإجبار ،،،طلعته من الحمام وانا متغطيه ببشكير الحمام،اتصل علي مكالمه عاديه م رديت رسل لي قال لي فصلتي مالكفتحته الرساله م رديت عليهو،،،وبقى يرسل لي ريكوردات ...قال لي انتي اساسا واحدة تافه ولافه سااي وكنتي دايرة تغشيني بيك،غلطتي غلطتكك ودايرة تدبسيني انا،مكالمه فيديو سااي م دايرة تتكلمي معي بيها ،طيب العملتي معاهو عملتك دي كان احسن مني في شنو؟وريني؟انا زاتي م دايركك ولا بشرفني اتزوجك امشي شوفي اللفيتي معاهو دة خليهو يعرسكك ي وسخه وي تيييييييييييت...وبقى يفلت في الكلام بصورة فظيعهه قفلته النت منو وفضلته ابكي للصباح،،،الصباح صحيت حوالي الساعه 10 على صوت امي وهي بتقول لي :شهد ي بت ها كدة قومي على حيلك،قولته ليها نعم ي ماما،قالت لي انتي مالك مع علي السمعتو دة صاح ؟طبعا قلبي عمل شحح ،قولته ليها سمعتي شنوو قالت لي صحي انتي وعلي اتشاكلتو خير مالكم في شنوو؟قولته ليها ماما ماف شي بس كدة م اتفقنا،قالت لي كيف كيف يعني م اتفقتو ؟لحدي يوم امبارح دة كنتو متفقين انشاءالله خير؟قولته ليها ماما الله يخليكك انا خلاص علي م عايزاهو الموضوع دة انتهى،،،قالت لي ي شهد ي بتي كدة انعلي الشيكان واحكي لي الحاصل شنوو اي مشكله وليها حل،،،نزلته من السرير قولته ليها انا ماشه الجامعهه لبسته وطلعته سريع مشيت الجامعه طووول اليوم قاعدة متنشنه وزهجانه وكل شويه بلقى دموعي جاريه،،روبى جات لقتني قاعدة قالت لي شهد مالك منفسنه اليوم ملاحظه ليك من الصباح قولته ليها ماف شي،قالت لي علي انا الكلام دة؟قعدته احكي ليها وابكي ،،،بعد م خلصته قالت لي متوقعهه منو شنو الخايب دة اكتر من كدة؟وااااي انا من تفاهتو وحقراتو وقوة عينو،يعني حتى ولو م فكر فيك كخطيبه المفروض يفكر فيك كبت خالتو واختو الله لا جاب عقابو ي شهد دة اساسا م بستاهلك افهمي،،،حتى ولو زعل والموضوع اثر عليهو م من حقو يطلب منك حجات زي دي ،دي م رجاله ليهو ياخي عصبني الله يأزاهو فضلته اسبوعين على نفس الحاله،،،يوم جمعه وانا قاعدة مع نفسي كداا عاينته لي شنطه الشيله ،قمته على حيلي طلعته اي حاجه بتخص الشيله حتى البجامه الشلتها ولبستها طلعته معاها ونقلتهم تحت لي امي في الهول قولته ليها كلمي اختك بكرة تجي تستلم شيله ولدها تمام،،،امي قالت لي ي بت ي شهد،طلعته فوق ،ابوي قال ليها هسسس اسكتي خليها وهو مبتسم،فتون قالت ليها دي نفسيهه سااي خلوها امي قالت ليهو لكن ي عبدالله بتك غلبتني اتكلم معاها،ابوي قال ليها كلمتك انا واحساسي ابدا م بخيب الحمدلله الحصل كدة بدري بدري رجعته غرفتي شلته التلفون اتصلته على علي ،اول م فتح الخط قولته ليهو لو سمحته بكرة كلم امك تجي تستلم شيلتك تمام وزي م انت م بشرفكك تتزوجني انا كمان كرامتي واحترامي لزاتي م بسمحو لي اتزوج خااااايب وباطل في نفس الوقت اوكيه؟؟؟
الأنثى بطبيعتها معروفه بإنها مخلوقه حساسه ورقيقه بغض النظر عن عمرها،وشكلها، ولونها،اذا كانت المرأة بتمثل نصف المجتمع، الأنثى بتمثل نصف المرأة،علشان كدة بنقول كل امرأة انثى،وكل انثى هي امرأة،، وتستحق في كل المجتمعات تكون في قوانين تحافظ عليها من كل الجوانب،وتمنع تعرضها لأي نوع من انواع العنف سواء كان جسدي،او نفسي،جميع الإناث نقيات بداخلهن كنقاء الكعبهه،ولكن المجتمعات والمحيطون بهم هم من يتسببون في تلوثهن بشتى الأشكال،اهلنا بحاولو يحمونا من المجتمع الخارجي وبعملو لينا 1000حساااب وبحبسونا ظنآ منهم انهم كدة بحافظو علينا بس بتكون رايحهه عليهم حته انو احيانا بتكون في ذئاب بشريهه اسريه عايشه في وسطنا وهم م جايبين ليها خبرر ،ونحن بنكون ضحايا نتيجهه لتعاملنا بعفويه مع الحوالينا،
....
م تهبشني ابعد مني والله أكلم ليك امي لمن ارجع ،حرام عليكك الله يخليكك ابعد مني انت ليه بتعمل كدة واااي ي امي اللحقيني، خاف الله فيني الله يخليكك، شهد ي بتي ي شهد هاا صحي النوم مالك في شنوو؟وااااي م تهبشني قولته ليكك خلاص زح مني والله اكلم ليك مرتكبعد مسااافهه فتحته عيوني وانا جسمي كلو معرق،،،لقيت امي ماسكاني امي قالت لي مالك بتصرخي ي بت انتي كويسه وجسمكك دة كلو نازل مويهه مالك؟قولته ليها ماف ،ماف شي ي امي وانا ببكي،،قالت لي لالا اصلا م كويسه دايما بتجيكك الحاله دي مالك ي شهد؟قولته ليها امي ماف شي بس عطشانه وعايزة اشرب مويههقالت لي دقيقه اجيب ليك مويه،مشت جابت لي مويه وجات قالت لي هاك اشربي دة كلوو من أفلام الرعب والعولاق البتحضريها دي انا مش قولته ليكك تاني م تحضري الحجات دي؟قولته ليها ماما خلاص الله يخليكك انا بقيت كويسه اسي الحمدلله،،قالت لي لالا تعالي رقدتني ورقدت جنبي وبقت تستغفر وتعزم لي في راسي،قالت لي لمن محمومه من الخوف تقولي لي كويسه تاني اوعكك تحضري افلام فهمتي؟هي بتتكلم معي وانا شالتني نومه بالرغم من انو كنت خايفه بس حسيت بالطمأنينهه وانا في حضنها
شهد 22سنهه طالبه في كليه الطب المستوى الثالتهواياتي متعددة بس اككتر هوايهه محبوبه عندي التصميم ،بحب اصمم الملابس واتفنن فيهم ،دراسه الطب م كانت رغبتي بالعكس انا بدرسو وبكرهو شديد في نفس الوقت ،كنت حابه ادرس هندسه واتخصص تصميم داخلي بس بابا رفض،يمكن السبب في كدة حبو للطب لأنو هو دكتور جراح قلب وكلى،،وكان عايزني ادرس نفس التخصص بتاعو لأنو اخواني الأكبر مني كلهم درسو مجالات تانيه غير الطب وبما اني اصغر البيت شلتهه الشيله في راسياهلي كانو عايشين في سويسرا طبعا الكلام دة قبل م انا اتولد على الدنيا دي للأسف،بس نزلو السودان نظام الدراسه وبعدين ابوي خاف على اخواني من انهم يتأثرو بثقافه الغرب و...المهم حسبها صح في الوقت الغلط ونزل السودان اخواني خمسه ،
تلاته اولاد وبتين وانا تالتتهم ،اخوي الكبير ماذن مهندس بترول،واختي الأصغر منو اسمها عهد متزوجه ومع راجلها اللي هو ود خالتي في قطر،،واخوي الأصغر من عهد مدثر،وتالتهم مجتبى،وانا شهد واختي الأكبر مني بسنتين اسمها فاتن،،هي الوحيدة الخاربه رصة الأسامي لا معروفهه مع ااشرق ولا معروفه مع الغربهي بتدرس it بس م الزوولهه الريادة للقرايهه وكدة علشان كدة دايما بابا بقول ليها انا رافع يدي منكك واخيرا امي اسمها سوسن،انا بقول ليها سوسنتي علشان هي بجد احلى زهرة سوسنهه في حياتي،غير انها امي هي صحبتي وروحي واقررب لي زول في حياتي وسبب سعادتيحياتي حلوة وماف شي ناقصني فيها،والأهم من كدة وجود علي في حياتي،علي دة ود خالتي وحبيبي في نفس الوقت هههفي البدايه كنا اصحاب ،اول مرة اشوفو فيها لما سافرته البلد مع امي ،ساعتها كنت ممتحنه الشهادة السودانيه،صراحه كان ظريف ووناس واكتر زول ريدتو من بين اولاد خالتي،كان بسوقني معاهو الحواشه، والبحر ،والخلا ،تمينا معاهم 15يووم بس كانت احلى اياام ولما قمنا راجعين بكيت بكا قولته م راجعه نهاائي،بعد رجعنا من البلد بكم شهر كدة ،،،جانا علي زيارة وزي م هو كان بطلعني في بلدهم انا عملته نفسي الشي،علي كان مميز او يمكن انا الكنت شايفاهو مميز ،بساطتو ،طريقه كلامو،ظرافتو،عفويتو،كل شي انا كنت شايفاهو مميز فيهو،بالرغم من انو كان حوالي شباب كتار كانو ممكن يلفتو نظري بس م كنت شايفه غير علي،حبيتو بجد اول خطوة في علاقتنا كانت لما علي وهو راجع البلد كتب لي رقمو في ورقه وقال لي اتصلي علي،،،بعد م سافر بيومين كنت مترددى وخايفهه أتصل،م اتصل ،اتصلفي النهايه اتصلته عليهو،بعد م سلمته عليهو وكدة م فضل شي اقولو ليهو،وانا بطبيعتي بتعامل بي عفويههقولته ليهو امممم قولته لي اتصل عليك لشنوو؟قال لي مافي شي ساااهي كدة بس ههه،قولته ليهو ههه سمحه ساااي ديقال لي والله ي شهد انا بريدكك من بين كل بنات خالتي م عارف ليه ؟قولته ليهو امممم يمكن دة إستعباط منكقال لي إستعباط ؟انا جادي معاك تقولي
لي إستعباطقولته ليهو خلاص م تفور وتدفق اسفههقال لي خلاص بس عندنا م بقولو اسفه بقولو معليشقولته ليهو سمح معليشعدت الأيام وبقينا انا وعلي متواصلين على الدوام،مستحيل يعدي يوم وم يتكلم معي فيهو،اتعلقته بيهو شديد لغايه م دخلته الجامعه،هو كان خايف من حته اني ادخل الجامعه واتغير ،كل مرة كنت ببرر ليهو حته اني مستحيل اتغير ،قال لي يمكن تشوفي ليك شوفه والحاجه دي انا م قادر اشيلها من بالي،قولته ليهو علي شوفه شنو الأشوفها انا لو بجد كنت عايزة اشوف لي شوفه م كان ارتبطته بيك اساسا،قال لي اسي انا كان جاهز كان كلمته امي وابوي يخطبوك لي لكن انا لسسه ي شهد ي دوب في بدايه مشواري ،اسي لو كنت قاري وعندي شهادة كان اشتغلته بيها ،،،قولته ليهو علي م تقول كدة انا كلمتك قبل كدة انو لمن أتخرج ربنا بحلها واكيد للزمن داك بتفرج،،قال لي تفرج كييف بس وانا قاعد مدفووس في البلد دي من الحواشه ،لي زريبه البقر،تفرج كيف كدة قولي لي؟قولته ليهو ومالها الحواشه وزريبه البقر مش في النهايه مصدر عيش؟قال لي اسي انا لو جيت اتقدمته ليك بي بوضعي دة بتقبلي بي؟طيب ابوك واخوانك بقبلو بي ؟خليك من خالتي،،قولته ليهو علي انا اتكلمته معاك قبل كدة في الموضوع دة وقولته ليك انا م عندي شغله لا بي ابووي ولا اخواني مش في النهايه انا مقتنعهه؟انا بعيش معاك انشاءالله في راكوبه م عيب صح؟قال لي اسي الببكي شنو اسي انا قولته ليك شي يبكيك؟قولته ليهو كل مرة بتفتح.الموضوع دة وبتقول نفس الكلام قال لي خلاص معليش طيب سمح قولي لي اعمل شنوو؟اجي اتقدم بالعندي يعني؟قولته ليهو تعال رجعته البيت المساء من الجامعه لقيت البيت قايم فوقاني تحتاني،،ابوي كان بقول لي امي:م عندي بت بديها لي ولد اختك العاطل دة كان انطبقت السماء على الأرض فاهمه ولا لا،دايراني اخر عمري ادي بتي الخسران فيها قرايه وتعليم وقضيت عمري كلو بقطع من لحم جسمي عشان اربيها في النهايه اديها لي ولد اختكك العاطل دة؟امي قالت ليهو اجي ي عبدالله ؟من متين الفقر كان عيب؟وانت زاتك م اتولدته وفي خشمك ملعقه من دهب عشان تقول كلامك دة؟؟؟وبعدين علي مالو عيبو شنو كدة وريني؟والله خلقه واخلاق وادب وزوق وعينو م برفعها من الأرض على زول كبير اجي ي الكدي؟قال ليها سوسن الموضوع دة منتهي م تناقشيني فيهو لا انتي لا غيركمدثر قال ليها امي كلام ابوي منطقي يعني انتي اسي جادة موافقه؟ولاحظي لي انو هو قال يخطبها لمن يكون نفسو يعني م يوم او يومين دة محتاج كم سنه قدام ،،،قالت ليهو شهد زاتها م مستعجله وراها قرايه وبعدين ربنا ابوابو فااااتحهه ويمكن يفتحها عليهو اسي انت زاتكك ي عبدالله انا لمن عرستك وضعك دة كان كدة؟كل الناس دي بتبدأ من الصفر جيت داخله قولته ليهم في شنو مالكم فايرين؟ابوي عاين لي وسكت،،فاتن قالت لي فايرين في العريس الجاك ي هنايه خالتي عرفة اتصلت وقالت دايراك لي ولدها عليابتسمته ابتسامة خفيفهه فرحته فرح لمن م صدقتهقولته ليها اهااااا وطلعته غرفتي ،،،فاتن جات لاحقاني قالت لي نظام م عارفه وكدةقولته ليها شنو م فهمتك؟قالت لي بطلي هباله ي شهد اي نعم انا بتفق معاك في حته انو علي ظريف ووناس وطيبان وود ناس يمكن دي الحجات الجزبتك ليهو بس ي شهد احسبيها صح علي دة ماااااا...قاطعتها قولته ليها م عندي شغله انا وبعدين حتى ولو عرستو الحيعيش معاهو منووو؟انا طبعا صح يعني ماف زول فيكم متضطرر بحاجه انا الحاستحمل وبعدين انا م بعاين لي علي من الناحيه الماديه فهمتي؟كفايه جدا انو بحبني وبحترمني والدليل على كدة انو حاليا اتقدم لي ؟قالت لي خلاص انتي حرة مع امكك م تفوري وتتدفقي فيني وتنفخي لي وشكك بكرة تقولي فوفه قالتقولته ليها نننننبعدها ابوي ناداني،قعد اتكلم معاي قال لي شوفي ي شهد انا م داير اكتر الكلام لكن لو في بالك فكرة انو تعرسي ود خالتك دة شيليها من بالكك لانو م عندي بت بدوها ليهو فهمتي؟قولته ليهو لكن ي ابوووي...قال لي كلامي واحد انا ،،،قمته مشيت دخلته غرفتي وقعدته ابكي ،،اصلا تاني ابيت اتكلم مع زول فيهم ،كل البعملو بمشي الجامعه وبرجع المساء حتى أكل م باكل معاهم نهاائي ،،،وكل مرة امي تحنسني تحنيس عشان اكل معاهم بقول ليها م عايزة لغايه في يوم حصل نقااش كبييير بين امي وابوي ،ابوي لما زهج قال ليها انتي وبتك حرين ،،،وبتك لو دايرة اسي بعقد ليها عليهو لكن م عندي شغله بي اي خلاف يحصل بينهم بعد العرس ولا في يوم من الايام تجي تقول لي ي ابوي انا عندي مشكله فهمتي؟حلي ليها مشاكلها براك مع الخايب ود اختكك دةامي قالت ليهو الله لا جاب الشين واليوم التجي تحل ليها فيهو مشاكلها انت بس اديهم البيضاءء وبعدين علي ود اختي وانا بعرفو قال ليها سمح نشوف علي بتاعكم دة بعدها ابوي ناداني نظراتو لي كانت نظرات غضب قال لي حاميه نفسك الاكل وعامله كل الدراما دي عشان راسكك الفاضي دة المهم سؤالي ليك انتي دايراهو؟؟سكته م رديت عليهو،،،قال لي سألتك جاوبي دايرة ود خالتكك دة؟هزي
ت ليهو راسي بمعنى اااااييي...قال لي طيب بس اووعى في يوم تجي تقولي لي عمل لي ولا فعل لي فاهمه؟اول م تعرسيهو انا برفع يدي منكك ياهو كلمتكزعلتهه وبكيت ،بس امي قالت لي بكرة برووق م تسمعي كلامو دة المهم بكدة بقينا انا وعلي مخطوبين ،هي م خطوبه رسميه بس بإعتباري ناضمين فينيبعد شهرين من الكلام دة علي قال مسافر السعوديه جاهو شغل هناك وانشاءالله بعد نهاية السنه النحنا فيها دي يتم العرس او يعقد ،،اتفقنا على كدة وبعد م اتخطبنا علاقتنا بقت حلوة شديد ،وبالفعل علي سافر ،كنا حلوين ومتواصلين على الدوام،وشويه شويه علي بدأ يرسل لي امو في البلد عشان يبنو لينا بيتناعلي كان اتجاهو واحد البيت الجامعه ،الجامعه البيت،لا عايز اصحاب ولا طلعات لا دة لا دة،،صحباتي اسيل ،وربى ،واريج بتغااظو منو ومن حركاتو لانو دايما كل م نخطط نقول طالعين مشوار بقول لي م تمشي ارجعي البيت وانا كمان م بعرف اكذب عليهو نهائي،،،روبى بتقول لي ياااخي ي شهد افهمي دة م حب دة تملكك ،دي خنقهه انتي فاهماني؟اسيل قالت ليها دي مش خنقه دة مفقرة عليها وحاصرها في زاويه واحدةاريج قالت ليهم يعلم الله م شايفه اي حب في الموضوع اصلا دي نهايه حب العولاق وي شهد طوووقي قولته ليهم ياخي انتو مالكم؟انا مبسوطه من البيعمل فيهو دة وبسمع كلامو لانو في النهايه كلها كم فترة وحأتزوجو فاشنوو استكينو م تفلقوني روبى قالت لي سمح انشاءالله يضوي ليكم ي عشههقولته ليها اساسا ننننننعلي بالجد كان حاصرني في زاويه واحدة ومخليني بعيدة كل البعد عن الحوالي ،ودايما بخليني اعمل الهو عايزو،افعل كذا وم تفعلي كذا،،بس بجد الحاجه دي حلوة لما تحسها حاصله من زول بتحبو انا شخصيا كنت شايفه دة اهتمام وهو بعمل كدة من خوفو علي،،بس في نص دة كلوو كانت في حاجه مخوفاني ،حاجه حصلت معاي قبل كم سنه وم كلمته بيها زول علشان لو كلمته زول حتحصل مشاكل كبييييرة بجد والدنيا حتقوم وم حتقعد،،نهايه السنه علي كان عايز يتم العرس واساسا الزمن قرب يعني م فضلت مدة طويله،،اترددته كتيير بي قصه اني اكلمو او لا بس ثقتي في علي كانت كبيرة قولته اساسا هو حيفهمني لما احكي ليهو لانو بحبني بجد وم اظن حاجه زي دي تخليهو يتخلى عني،خصوصا انو علي كان متحمس لعرسنا شديد ياخي وصلنا لمرحله انو من كتر م بنخطط لحياتنا لمن علي في يوم قال لي انا بسمي البنات وانتي سمي الأولاد المهم البت الاوله بسميها على امي عرفههنا قولته لنفسي ي شهد دي فرصه علشان تقولي ليهو الحقيقه وم تكزبي عليهو ابدا،،،قولته ليهو عليقال لي قولي ي رووح عليقولته ليهو انا عايزة اقول ليك حاجه لكن عليك الله م تكلم بيها زول ولا عايزاك تزعل مني لانو حصلت زمان وانا م كان عندي يد فيها فهمتني؟قال لي شهد قولي في شنوو مالك؟قولته ليهو طيب وسكته مساافه وقعدته ابكي،،،قال لي ي بت الناس في شنو مالك؟قولته ليهو خلاص ماف شي،،،على كدة قفلنا على الموضوع لمن بعد شهرين رسل اشترينا الشيله وجهزناها،،بعدها قعدته مع نفسي وقولته لنفسي ي شهد فضل ليكم بسيط وتتزوجو ليه تدسي منو حاجه زي دي هو من حقو يعرف وبعدين هو كدة كدة بعدين حيعرف ويقول عليك كذابه،،،شلته تلفوني واتصلته عليهو..اول م رد قولته ليهو علي بجد المرة دي انا عايزة اقول ليك حاجه مهمه عندي فترة بحاول اقولها ليكك بس كنت خايفه ،قال لي قولي سامعك ي روحيقولته ليهو علي انا قبل كدة لما كان عمري 13سنه في زول اغتصبنيوانا والله كنت عايزة اكلمك من زمان بس كنت خايفه مع اني واثقه انو انت م حتخزلني ولا حتتخلى عني بس كنت خايفه اوجهكك بالحاجه دي بس بما انو نحن حنتزوج انا م حابه اكزب عليكك
وجميع المواضيع والمشاركات المكتوبة تعبر عن وجهة نظر وتعبير شخصي لكاتب الموضوع|| وجميع المواضيع المنقولة هي للفائدة العامة فقط || وجميع التعليقات لا تعبر بأي شكل من الأشكال عن وجهة نظر إدارة منتديات كولا ماكس .