4 نتيجة بحث عن بائعات_الهوى

#بائعات_الهوى

الجزء 05
وجن بعد قالت كلامها دا ضحكت ضحكة سافلات باسل قال ليها انتي وحدة رخيصه وانا م حاقول ليك اكتر من كدا وحأحترمك بسس لأنك صحبة البت اﻷنا حبيتها وقفل الخط في وشها..
لكن بينو وبين نفسو كان بقول كيف وجن تقول كدا وقصدها من الكلام دا شنوو
وف نفس الوقت عاارف وواثق من علا ﻷنو شاف تصرفاتها في مواقف كتيرة وظاهر عليها محترمة...
...
علا هنا كانت بتلبس قالت ماشه البيت عندها فلاش فيهو حاجات ماشه تجيبو ومها كانت ماشه معاها عشان ترفقها وكدا..
وفعلا جهزوا حاجاتهم وطلعوا
وعفاف م عندها علم انو بتها جايه ..
وكان معاها منصور تتذكروه؟ بسس
كان معاها في البيت قاعدين في غرفة حبوبة علا ..طبعا شقتهم فيها تلاته غرف وحمامين ومطبخ
وصاله
ابتسام اتصلت على باسل بس اختصرها ﻷنو من زمن عرف علا بقا يكره ابتسام وبرفض مكالماتها
ابتسام حست انها ح تخسرو ﻷنو تعاملو اتغير قامت قالت ليهو انا تعبانه شديد ووصفت ليهو دوا ازمة قالت ليهو جيبو لي
ودا كلو خطه منها عشان لمن يجي تغريهو وينوم معاها وتطلع منو بي قروش
المهم باسل وافق وقال ليها تمام نص ساعه بالكتير واكون عندك ودخلت بتتحمم وتتجهز
شويه كدا ..
في اثناء م ابتسام طلعت من الحمام ولبست هدوم خليعه واتروجت وكدا وعلى حسب انو باسل اتصل ليها وقال قرب عليهم
رن جرس الشقه وهي طووواالي فتحت الباب
لقتهم علا ومها
طبعا عيونها بقت قدر الكوباية من الخلعه وبقت تبلع في ريقها وتتمتم اااا علااا ال اللل جابكم شششنو
علا خجلت من ملابس ابتسام اللابساها وهي شبه عاريه والبيت ريحتو كبريت كبريت (بخور عروسات)
سلمت عليها بي برود
اهلين ... امي وين؟؟
ابتسام قالت ليها امك؟؟؟ علا م انتظرت الرد
وطواالي دخلت توووش بقت تقول امممي ي امممي
عفاف سمعت صوت بتها بقت تررجف
طوالي لبست توب
وطلعت من الغرفة وقفلت الباب بالمفتاح
اللحظه دي علا مشت تتفقد الغرفة الجنب المطبخ
المهم عفاف جات مارقه..
وسلمت عليهم بي خلعه كدا وكانت بتتلعثم
في الاثناء دي ابتسام كانت بتحاول تتصل لي باسل عشان ما يجي .. بسس م كان برد
طبعا مها كانت مصورة الاحداث كلللها وعررفت من اول لحظه انو في شي غلط ..
عفاف جابت ليهم مويه .. وقعدت
علا قامت اتجهت على غرفة حبوبتها ﻷنو الفلاش حقها في الغرفه دي بالزات
لقت الباب مؤمن
اتلفتت على امها لقتها وشها دا ماابتفسسر
وقبل م علا تفتح خشمها بي كلمه باسل جا داخل ﻷنو ابتسام من الخلعه نست م أمنت الباب
باسل من دخل كدا شاف علا ومها وهم شافوه
والصمت عم المكان وكأنو في صاقعه نزلت في راس كل واحد فيهم...
يتبع....

#بائعات_الهوى

الجزء 04
جات رساله لي علا من رقم غريب
مساء الخير..
علا م ردت على الرساله وباسل م انتظر طوووااالي اتصل
علا ..الوو
باسل ..ي هلا بي علا
اهلين منو معااي..
قال ليها معاك باسل ي علا وصراحة كدا انا من شفتك اتلخبطت وم وقفت التفكير فيك وانا والله مامن عوايدي افكر كدا في بت وانا والله حبيتك من اول نظرة
علا م زعلت من الكلام شديد ﻷنها اصلا اعجبت بشخصية باسل وشكلها حبتو
لكن من باب انها تقيله م ردت على كلام باسل وكل القالتو م بقدر ارد على كلامك وقفلت الخط
باسل زاااد اعجابو بي علا خصوصا انو هو شخصيه البنات كلها بتجري وراهو لكن تاني م اتصل ليها من باب برستيجو وماصاح وكدا
عدت تلاته ايام كدا..
مها حكت لي وجن بالحاصل ووجن اصررت انها تتعرف على باسل عشان طبعا زوول عربات وكدا يعني جكس غاالي ودا المطلوب
مها اتصلت لي باسل وقالت ليهو عاوزين نشوفك بس لمن عرف انو علا م معاهم اعتذر بي انو عندو مواعيد مع ناس تانيين
باسل طبعا طوالي اتصل لي ابتسام وقالت ليهو سافرت البلد زيارة لي ناس البيت
ف صاحبنا م كذب واتصل لي وجدان(عفاف) وكان عاوز يعمل معاها اول علاقه .... بس وجدان كانت مشغولة مع زول تاني..ف اعتذرت ليهو..قعد شوية كدا وهو زهجان اتصلت مها تاااني وقالت ليهو طالعين وعلا معانا طبعا م صدق من الفرحه طوالي جاهم
وجن كانت بي كااامل اناقتها ولابسه بنطلون جيينز اسود كارينا سودا وجكيت لحد قريب للركبه مخطط اسود بي ابيض ولابسه جزمة بوت لونها تراابي كدا وطرحه بنفس اللون
اما مها لابسه عادي
وعلا كانت طبيعيه جدددا لابسه عباية رااااااقيه شديد بس حلوة مع جسمها وعاملة روج خفيق كدا وكحل ولابسه سفنجتها الرااقيه ديك مع لونها ظاابطه المهم جاهم وطلعو معاهو و وجن كان ظاااهر عليها منبرشه بس باسل كان مركذ مع علا مها قالت لي وجن ارح معاي دقايق ونرجع مشت لاقت ليها جكس بي غادي زي نص كدا ورجعوا
في الفترة دي باسل قاعد وسرحاااان في تفاصيل علا وعيونها الجميله وشوية كدا يحاول يتكلم معاها بس يتراجع وحس انو اول مرة يتشد كدا لي بت وعلا كمان كانت متوترة لأنها قاعده معاهو براها وفي نفس الوقت خجلانه من نظرات باسل الكانت واااضحه شديد
شوية كدا وباسل اتكلم معاها وقال ليها ي على انا آسف قالت ليهو على شنو؟
قال ليها آسف لو قلت ليك كلمه زعلتك مني وياستي انا بعتذر ولكي العتبى حتى ترضي قالت ليهو لالا العفو قال ليها خلاص انا عاوز افتح معاك صفحه جديدة وماعاوز غير اكون صديقك علا ابتسمت ابتسامة رضا
لما رجعو وجن ومها وجن اصرت انهم يرجعوا ﻷنها شافت احمد حبيبها في نفس المحل وانو ممكن يقتلا
طبعا م قالت كدا لي باسل كل القالتو انها شافت قريبهم وباسل رجعهم..
طوال فترة امتحانات علا باسل كان بتصل عليها وبتطمن من الشغل كيف وزاد التواصل بينهم واتعرفوا على بعض اكتر .. والثقه اتوفرت بيناتهم باسل حب علا شدييد حباها حب صادق وكان جادي في علاقتو معاها وكان طوالي بفكر فيها ومشغول بيها شديد ...
وجن م قادرة تستوعب الحتة دي وهي عاوزة باسل بي اي طريقه
ف قامت شالت رقمو من مها واتصلت ليهو
قالت ليهو كيفك وسلمت عليهو كويس
معاك وجن صحبة مها وعلا...
اهلييين وجن كيفك
الحمدلله..
ان شاء الله خييير
لالا كلوو خيرر اسمعني علا دي بتلعب عليك ومابتلقى منها شي وانت لو عاوز حاجه بتلقاها عندنا نحن
باسل اتصدددم من كلاام وجن

#بائعات_الهوى

الجزء 03
في الفترة الكانوا فيها عفاف وابتسام بمارسوا الدعارة بكل انواعها
طبعا اتنين وفي الشقه براهم
ح اخلي ليكم تتخيلوا المنظر براكم وعندهم مبدأ الخوة في مكانها والجكس للجميع يعني افهمومها براكم
المهم....
في الفترة دي علا كانت في الداخليه مع وجن ومها في نفس الغرفه
طبعا علا اتصدمت بالواقع الفي الداخليه
لبس البنات الخليع كان صادمها لأنها زولة خجولة
وكانت بتنظر بي استغراب لي كل شي
يعني عادي تلقى اتنين في البلكون بشربوا ف سجارة
والبنات من بعد المغرب تبدا تتجهز وتلبس ويطلعوا لابسين ملابس فاحشه
ونستهم الكلها شحدني وقال لي وفعل لي.....
دي كلها حاجات كانت بالنسبه لي علا صددددددمه كبيييرة
لكن م قدر صدمتها في صحباتها وجن ومها ﻷنهم كانو متعايشين مع الواقع عاادي وبتونسوا مع البنات وياخدوا ويدوا معاهم في الكلام وبتبادلوا الألفاظ الكعبه جدا
بس علا تخبي صدمتها وكانت بتسكت وتقول انو تخلي اي زول لي حالو
مرات كان بتحاول تنصحهم لكن لقتهم بزعلوا ومابرضو
وفي نفس الوقت هم صحباتها الوحيدات وهي بتحبهم وواثقه انهم بنات جواهم نضيف
لكن هم طبعا اصلا كان هدفهم انهم يضيعوها ف كانوا بقولوا ليها م تبقي خنيقه وعيشي حياتك وكدا
علا في الفترة الاولى م اشتغلت بالموضوع كتيير
كانت مهتمة بقرايتها ﻷنها ممتحنه وبتنوم بدري
وكان باالغت بتطلع الدكان وتجي راجعه
وكانت متواصله مع امها في التلفون وبتتونس معاها وكدا وعندها صديقها اسمو عمر ظرريف وشاطر شديد بس م عندو ددور في القصه
المهم مرة كدا كان عندهم قاب طوويل وعلا ملت من القعاد في الداخليه
اقترحت على مها و وجن انهم يطلعوا
بس وجن رفضت ﻷنها عندها مواعيد مع حبيبها الاسمو احمد ...
طبعا وجن دي زوولة بتااعة.... يعني م عندها شرف اصلا بسس م ظاهر عليها خالص ومظهرها بخدع الزول
اما مها دي حبيبة الكل دي بتعرف ارقى الشخصيات في البلد لكن طبعا مهمتها الوحيده انها... قوادة ...
كانت متزوجة واتطلقت وطبعا هم الاتنين عارفات حقيقة بعض واصلا الخلاهم يصاحبوا علا ويتقربوا منها انو علا جميله وجسمها مغري وممكن تعمل ليهم شغغغللل يكسبوا من وراه بس تقدروا تقولوا انو من طريقة كلام علا وردودها ليهم هم تقريبا يئسوا بس عاوزين يشوفوا طرق تانيه....
المهم نرجع لموضوعنا
بعد وجن ابت تطلع معاهم مها وعلا قرروا يطلعوا
فقاموا اتجهزوا وقرروا انهم يمشوا اول يتغدوا وبعداك يمشوا شارع النيل
ركبوا ركشه ومشوا اتغدو
بعد م طلعوا من المطعم وقفوا ع الظلط عاوزين يوقفوا ركشه وقفت قدامهم عربيه ونزل منها .... بااسل
ايواااا يااهو باااسل زاااتو بتاع ناس ابتسام وعفاف
باسل سلم على مها سلام معرفه وعاين لي علا نظرررة اعجاااب وعاين ليها من فوق لي تحت
مها عرفت باسل بي علا وقالت ليها دا صديقي...
باسل بعد شاف علا اتكسسررر وقال ليهم ماشين وين وبوصلكم
المهم ركبوا معاهو ومشو شارع النيل مها عزمتو وقالت ليهو اقعد معانا وكدا بس باسل قال ليها يمكن صحبتك م ترضى علا م كانت راضيه بس انجبرت تبتسم وتقول ليهو لالا عادي اتفضل...
قعد معاهم وعزااهم قهوة وونسه وضحك وركبوا المعديه اخدوا جولة
علا اتبسطت وكان يوم جميل بالنسبه ليها
وباسل ظهر بي صورة جميله واداها انطباع حلو من اول لقاء
بعداك وصلهم بالعربيه حاول يشيل ارقامهم بس علا طنشت الموضوع وعملت رايحه لكن مها ادتو الرقم
ولما وصلوا مها وعلا كانو بتونسوا وبضحكوا وبتذكروا في اليوم
اوول م مها طلعت هدومها جاها اتصال من باسل
مها ابتسمت ابتسامة خباااثة وعرفتو متصل لشنو
طبعا مها وباسل العلاقه بتاعتهم عاديه جدا واخويه وهو اصلا اتعرف عليها عن طريق صحبو
يعني م بعرف عنها شي غير انها كانت حبيبة صحبو
المهم باسل اتكلم مع مها شويه وقال ليها والله ي مها صحبتك كسرتني وعجبتني وعاوز اتواصل معاها وانا وانا وانا
مها ضحكت وقالت ليهو صحبتي دي صعبه شويه ومستحيل تجي بالساهل
قال ليها انتي بس اديني رقمها
وفعلا مها ادت رقم علا لي باسل
في نفس اللحظه علا جاتها رساله من رقم غريب

#بائعات_الهوى

الجزء 01
قصه واقعيه
+18
القصه بتحكي عن وحده اسمها (علا) دي بت ريفيه اتولد واتربت في الريف
بس اسرتها مرتاحه جدا
ابوها متوفي من زمن بعييييد يعني من زمن هي كانت طفلة بس خلا ليهم تركة.. وعندهم كم مشروع كدا بمثلوا ليهم مصدر دخل
وهي وحيدة امها لكن ابوها عندو اسرة تانيه مقيمة في الخرطوم بس مافي اي علاقات بتربط الاسرتين ولا حتى شافوا بعضهم ونسبة لي انو والد علا كان يتيم ووحيد ف ماكان في بيت عائلة كبيرة بربطهم ببعض...
امها شباب كدا وجميله
علا دي ربتها حبوبتها..
ﻷنو امها للأسف انشغلت بي دنيتها وبي جمالها ونست بتها
كانت معظم الاوقات بتكون برا البيت
علا كبرت واترعرعت في وسط اهمال كبير
بس برضو كانت بت بريئه جدا
كبرت واصبح عمرها 18سنه وامتحنت الشهاده
كانت بت طموحه جدا ونفسها تقرأ الجامعه وتكمل تعليمها...
عشان كدا احرزت نسبه عاليه وقدمت للجامعه وشالوها كلية الطب في وحده من احسن جامعات الخرطوم ...
امها م اعترضت على الفكرة ﻷنها اصلا كانت عاوزة طريقه تطلعا من بلدهم ﻷنو هناك البلد ضيقه وهي بتحسب خطواتها في اي شي
والدة علا عندها اخوان بس متزوجين ومستقرين خارج السودان...
الكانت معارضه الفكرة حبوبة علا ﻷنها ماعاوزة تفارق بلدها واهلا
لكن انجبرت ورحلوا الخرطوم وأجروا شقه في وحده من الاماكن الراقيه في الخرطوم..
وهنا كانت بداية حياة جديدة بالنسبه لي (علا) وتقدروا تقولوا بداية النهاية....
احداث كتيرة وغير متوقعه