رغم
الف غريب
ومدهش
وكم عجيب
فى الدنيا شفتو
كم محالات
كم خرافى....
حمت
ماخليت محله
الوهادات والفيافى...
والف سجن دخلت فيهو
الحراسات والمنافى...
والف زول
لميت عليهو
الحنين والمجافى
الف حاجات ما بقولا
اصلى زول عكران...وصافى.....
مره
بى فهم المهندس
ما بخت (ملم)اضافى...
ومره
تغلبنى السياسه
وامشى بالراى الخلافى...
ومره
اسرح بى خيالى
وابقى انظم فى القوافى....
الا
رغم الفات ده كلو
رغم ترحالى وطوافى...
هسى عندى .حقيقه واحده
انو زى "سمويه"مافى
سوما جات يوم بالعبايه
ادت الحشمه المعانى....
سوما بالفستان تمحن
الا بالتوب حاجه تانى....
سوما نسمه
سوما بسمه
سوما اسمى من تراتيل الاغانى...
"سوما" سكه بعيده جدا
لو مشيت سنه ما تصل....
سوما فى السودان ده واحده
اصلو زيها ما حصل....
مره شاغلت السحابه....
صبت الامطار عسل....