كولا ماكس ||سودانية الملامح .. عالمية الروئة ®


سودانية الملامح .. عالمية الروئة ®
 
الرئيسيةالرئيسية  اليوميةاليومية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  

شاطر | 
 

 مشيت بي اهاتي اتنفس قبل ساعتين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو نادر
Admin
Admin


♣ مشَارَڪاتْي » : 1944
♣ التسِجيلٌ » : 29/11/2012

مُساهمةموضوع: مشيت بي اهاتي اتنفس قبل ساعتين   الأحد يوليو 28, 2013 8:50 am

مشيت بي اهاتي اتنفس قبل ساعتين
مشيت لحبيبتي اتونس ولي ساعتين ادق في الباب
لا في حس ولا في خبر يا ربي السمحه وين راحت؟
الا تكون مسافره سفر
ولما الشوق خلاص حرق شلت حجر حجر ماكن
وفوق للحيطه زفيتو واسمع ليك تراح تراح
وقام جاني الكلب مارق
اظني غلطت صحيتو
كلب زي الاسد في الطول
جسمي عرق وريق يا الله بلييتو
شبط ايطالي شاري جديد
يمين في محلي خلبيتو
وود الكلب يسك فيني
وما فكر يعود بيتو
ولما السك علي كتر
صحت اليهو ناديتو
تعال يا بوبي نتفاهم
ومافي داعي للعواد
انا اسف اذا يا بوبي صحيتك
وبس والله ما قاصدك
وجيت لحبيبتي ما جيتك
خلاص يا بوبي خليني
خلاص يا بوبي مد ايدك
وليك علي كيلو لحم
بوصلو ليك لي بيتك
دقس صاحبنا قام راجع
حليلك انت يا بوبي ضحكت عليك غشيتك
وانا ما جريت من الكلاب مخافة ما من طباعي ان اخاف كلاب
لكنه عيب عليك اذا ترى كلبا يسكك جيئة وذهابا
لعب الجريو بسمعتي لعب الصغار بطرة وكتابه
واتنفضت واستغفرت ورجعت غسلت القميص
مستني بس يوم الخميس كان تاني امشي على الحبيب
بيتم قريب وانا عارفها ما بتبقى لي جايالها من بلدا بعيد
لكن وحات السكته ديك البت دي ما بتشبه بشر
البت دي ياخي جمالها ياخي جمال غريب
دي عيونها زي باقة العسل مغموسه في كورة حليب
فوق العيون مزروع جمال لون الشمس ساعة المغيب
واللون ده لسع ما اتعرف لا لون دهب لا لون زبيب
يا حلوه اتعبتي القلب يا حلوه طلعتي الصليب
وانا كنت داير اعرسها والله جد
بس امها خاتالها كم شرطا صعيب
لازم يكون ود محترم لازم يكون ولدا نجيب
عربيه بي اخر موديل شرطا مهندس او طبيب
او حتى ضابط في الجهاز ان شاء الله بي رتبة نقيب
وانا والفلس راضعين سوا وانا لا مهندس ولا طبيب
ما عندي غير حنكي السنين وان شاء الله اقدر احنكها
اذا ام العروس عليك نقت فمن الطبيعي ان تكون نسيبا
فتأبط الحنك السنين بوجهها لا ترضى الا ان تكون خطيبا
واعشق حبيبتك التي احببتها بالهاتف الجوال انت حبيبا
لا تقلقن على الرصيد اذا فنى ان الشريحة في الجهاز اريبا
وابوها داك زول محترم بس امها هارشاهو ليك هرشة عدوك
ما مدياهو ولا نفس في اببيت تناديهو بي الجرس مرات توقفو زي حرس
تديهو كفين بي اليمين تديهو شلوت بي الشمال
والزول ده زولنا وعمنا يا حلبيلو ضاق البشتنه
لا ضاق حنان لا ضاق هنا
وانا كل ما اجيهم جد بخاف انا بس بخاف من امها
واقعد ألخبط في الكلام
يا خالتي كيف ان شاء الله اخبارك تمام ؟
شايف الكلب يا خالتي نام
ردت علي انو الكلب يا دابو نام
قلت ليها ما قصدي الكلب
انا قصدي لي راجلك حسام
قالت لي حسام الليله ما اديناهو عشاء
علشان كده من بدري نام
وانا رامي ادفن في الحنك
امشي واجرجر في الكلام
راجيها بس تدقس معاي وتنادي لي انا ابتسام
يا خالتي جد توبك حلو وكمان موهط فيك تمام
لكني شفتو قبل كده في الحفله لابساهو ابتسام
قالت لي صحيح قلت ليها جد بي المره اسألي ابتسام
والزوله دقست يا ولد صاحت سريع لي ابتسام
يا ابتسام يا ابتسام
البت دي يوم دخلت علي انا ياخي دبت من الغرام
ووقفت ما اتحركت تب ولساني ما غلبو الكلام
مدت علي الايد سلام بنعومه زي ريش النعام
كالزبد لينا في نعومة ملمس اصداف در دونت بوذاني
والريح مسك والجسوم نواعم واللون كالياقوت والمرجاني
كملت خلائقها واكمل حسنها كالبدر ليل الست بعد ثماني
وانا كنت داير اعرسها ومشيت لأمي احدثها
يا يمه داير احدثك من غير ألف وادس عليك
داير بنيه اعرسها وانا ياخ خلاص اخترتها
يا يمه داير ابتسام
قالت لي ما تكون بت حسام؟
قلت ليها ايوا بت حسام
انا اصلي عارف اننا يا يمه ما قدر المقام
لكني بي الجد عاشقها
قالت لي مما قصدي القروش ما كنت قاصداهو المقام
المشكله الشرع الحنيف قال العرش منك حرام
قلت ليها بس ايه السبب؟ يا يمه وريني الحرام
طلع السبب انا وابتسام راضعين ســـــــــــــــــــوا.......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://colamax.ahlamontada.com
 
مشيت بي اهاتي اتنفس قبل ساعتين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كولا ماكس ||سودانية الملامح .. عالمية الروئة ® :: المنتديات الإدارية :: أرشيف كولا ماكس-
انتقل الى: