حاحكي ليكم قصة ولد وبنت بسيطة جداً

~انا اقول~
حاحكي ليكم قصة ولد وبنت بسيطة جداً
تابع ..

البنت :
عندى حاجه ودايره اقولا
وخايفه قولك ماهو قولى

دايره اقولك بالبحسو
وانى شايفاك انت زولى

وانى رايداك انت وحدك
وما مهم كلام عزولى
...
ودايره احكى عن محنه
وعن حلم ياريتو يكبر

عن ملامح فى عينوك
وعن فرح زاهى اخضر

وحاسه انى هويت عيونك
وتايه فيها بدون اشعر

وخايفه ردك يكون عواصف
يقلع الريد اللى خدر

...........
الولد :

خايف انو ريدك يكبر
وانتى فى عينى صديقه

وتبدى تنسجى في خيالك
مولد الريده الفريده

وتنسى قصة ريد واخوه
وتبدى فى افكار جديده

وانتى فى عينى غاليه
وانتى اقرب من قريبه

بس محال ريدتنا تكبر
وتبقى امك لى نسيبه
....

وداير اقولك قبل تنطقى
وتحكى عن حلم السراب

اوعى تلعب بيك مشاعرك
وتجرى بيك خلف الضباب

نحنا اخوان فى البدايه
وهسا ممكن نكون صحاب

بس محال فى يوم احبك
وحبك يكبر فى الرحاب

وهسه بس انسيها قصه
واقفليهو معاكى باب