كولا ماكس ||سودانية الملامح .. عالمية الروئة ®


سودانية الملامح .. عالمية الروئة ®
 
الرئيسيةالرئيسية  اليوميةاليومية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  

شاطر | 
 

 خنقة معاصي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو نادر
Admin
Admin


♣ مشَارَڪاتْي » : 1944
♣ التسِجيلٌ » : 29/11/2012

مُساهمةموضوع: خنقة معاصي   الأحد يناير 06, 2013 8:58 am

السلام عليكم
اليوم جايبه روايه قمه بالروعه ارجو ان تعجبكم ايضا ..
الشخصيات بتتعرفو عليها باحداث القصه ..

رنيم: افففففففف عايزه شنو ياخ
فاطمه: انتي انا ما بكورك من الصبح ليه ما بتردي؟
......: برد بس انتي ما سامعاني من قبيل تكوركي
......: امشي جيبي لي نظارتي من جوه , نفسي يوم اناديك تجي يارب تاخدني و اخلص
رنيم تنظر لامها بحزن و لكن تحاول التعصب و تنظر لها و تمشي للصاله و هي تحدث نفسها " ليه انا بتصرف معاها كده بجد هي بتعمل حاجات كويسه احيانا بس احيان كثييره بتغيظ بحد انا بتحنني و احيان كتييره بحاول اتصلح بس بجي بخربها , اصلا تستاهل كل واحد بشوف نتيجة تربيته في اولاده و ده ناتج تربيتها هع ده اذا اصلا ربت كفايه جادعاني من اخت لي اخت و ياكافي البلا ما عارفاني في اي سنه بقرا " ..
فاطمه هي ام رنيم تزوجت ابو رنيم "مالك" في عمر ال18 و كانو فقراء جدا و يسكنون في بيت ابو مالك حتى فتح الله على مالك و بقوا من اغنى الاغنياء و عيشها مالك في جو غير اعتيادي و كانت من اول النساء التي تسوق سياره و كل اجازه يسافرو لبلد اجازه و دام هذا الحال حتى انجبو رنيم حيث فقد والد رنيم جميع نقوده و من ذلك اليوم ظهرت ام رنيم بشخصيتها الحقيقيه ..
..... : رنيم خالتك هنا انزلي سلمي عليها .
.....: حاضر يا ماما جااااايه .. تجلس رنيم لفتره من الوقت و هي تقول في نفسها "افففففف وصلو حضرتهم عايزين شنو الا اطلع يعني :/ "
تنزل ريم لتسلم على خالتها و هي ترسم بسمه اصطناعيه و بكل رواشه بتسلم على خالتها: خااااااالتو مشتاقييييييييييييين اخبارك؟؟ مالكم فارقتونا كده عاملين شنو؟؟
......: الحمد لله انتي ما بتسألي من خالتك ليه الا نسأل نحن ..
......: والله يا خالتو متلومه بجد اسفه بس انتي عارفه القرايه ..
......: لا ولا يهمك معقوله ازعل منك انتي آآخر العنقود لفاطمه
فاطمه: و جات بالغلط و في الزمن الضايع ضاع معاها كل شئ هههههههه
و ضحكت فاطمه و اختها و كانت رنيم تمووووت قهر و ضحكت ضحكة مجامله و خرجت لغرفتها ..
" يعني لازم تجيب السيره دي يعني كرهتتتتني ياخ الله ياخدها بكرهها اااااااااااااخ منها " تحدث رنيم نفسها و تبكي بغرفتها ..
رنيييييييييم تعالي اكلي" تنده لها امها و ترد رنيم "مااااعايزه شبعانه" اكيد ما شبعانه بس هي كرهت تشوفها كأنها ليست امها ..
جلست رنيم بغرفتها حتى عودة والدها و هي تفكر: يا ترى انا ما بنتها ولا جايبني من الشارع و لا اكيد هي جاده بتكرهني بس في ام بتكره بنتها؟؟!! ..
جاء والد رنيم مالك و جرت رنيم تسلم عليه و لكن سلامه لهم ببرود مع ان رنيم تحبه كثيرا و هو دلوووعته رنيم و يحبها جدا ..
مالك: اهلا
رنيم: وسهلا
.....: بابا انا طالعه بكره ان شاء الله جبت القروش
....: حقت شنو"يستهبل داير يزوغ"
....: لي كم يوم مكلماك يا ابوي اسي تقول لي شنو كان ما جبتها البنك الصباح عدل
....: بكره طيب الصباح
...: طيب و ذهبت و هي تتأفف
رنيييييم تعالي قطعي السلطه ..
....: ثواني جايه الصبر بس
....: سرييع
.....: في نفسها "اموت و اعرف هي ما بتنادي سلمى مالها الا انا بس ما حافظه غير اسمي "
سلمى هي اخت رنيم التي تسبقها تماما و هي عمرها 28 عاما هي و رنيم "الشحمه و النار" و رنييم تكرهها جدا و سلمى تعلم ذلك و تمثل انها ما تكرهها بس تكره تصرفاتها هذا ما تقوله لها عند كل شكله ..
تطنش رنيم امها و تذهب لغرفتها تفتح اللابتوب و تدخل المسنجر و تلقى وائل اونلاين ..
وائل ابن خالتها لرنيم و هو الشخصيه الوحيده التي تحبها رنيم من اهل امها لانه كشخه و كوول و طبعه و فهمه قريب لفهمها و هو زي اخوها و بتحبه و مابترضى فيه الكلمه في حين انه الكلام فيه كتييييييير .. وائل متزوج و له ابنان تحبهما رنيم جدا و تحب زوجته التي تكرهها جميع العائله و ايضا امه التي يظنها اهلهم انها شييينه و لا تليق بابو وائل الذي كان كشخه و ذوق رحمه الله , و بالرغم من ذلك فان امه شخصيه قمه في الروعه علم وادب و كل شئ ينقال صحيح انها ليست جميله لكن طبعها غطى ذلك ..
رنيم : نكها كان no one understand
وائل دخل كتب: except me 
رنيم تضحك و تكتب :suuuuuuuuuuure 
طبعا رنيم ووائل بيتكلمو بالانجليزي في الشات و هي لغتها شويه كعبه بس هو دايما يصلحها ..
المهم جلسوا في المسنجر لحدي الصبح و قالت رنيم عايزه تنوم وودعته و مشت تنوم .
صحت رنيم و لبست و دخلت لابوها الغرفه و كالعاده دايره مصروفها + قروش الطلعه
اخدت رنيم العايزاه و انتظرت ابوها يوصلها و دخلت الجامعه منتظره صحباتها و كالعاده متأخره عن المحاضره و ما عايزه تدخل ..
بعد فتره وصلو صحباتها و سلمو على بعض ..
صحبات رنيم : توته بيبو و نشو و رنيم يقولون لها ريري و كلهم شهاده عربيه عدا ريري
توته : ريري ماااااااااااا شفتي عندي ليك خبر خطييييير
.....: بجد شنو؟؟
.....: بعدين طيب في الطلعه و دايراك تفكري كويس
....: بخصني
.....: ايوه
.....: طيب قوووووووووووولي
......: لا بعدين
.....: باااااااااااااااايخه قطي يلا ..

يا ترى توته عايزاها في شنو و هي من وراها تجي المصاااايب :/

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://colamax.ahlamontada.com
 
خنقة معاصي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كولا ماكس ||سودانية الملامح .. عالمية الروئة ® :: المنتديات الإدارية :: أرشيف كولا ماكس-
انتقل الى: